პენტაგონში აცხადებენ, რომ ქაბულის აეროპორტიდან ევაკუაციას 10 000-ზე მეტი ადამიანი ელოდება. ინფორმაციას „ბიბისი“ ავრცელებს.
აშშ-ის შეიარაღებული ძალების გენერალ-მაიორის, ჰენკ ტეილორის განცხადებით, აშშ ავღანეთიდან იმდენ ხალხს გამოიყვანს, რამდენის გამოყვანაც შესაძლებელი იქნება უსაფრთხოდ და ეფექტურად. მისი თქმით, ევაკუაცია აშშ-ის საჰაერო ძალების 42 სამხედრო თვითმფრინავით ხორციელდება, რომლებიც ყოველ 39 წუთში ფრინდებიან ქაბულის აეროპორტიდან.
ჰენკ ტეილორის განცხადებით, გუშინ აშშ-ის 11 200 პერსონალისა და პარტნიორი სახელმწიფოს 7 800 პერსონალის ევაკუაცია განხორციელდა, ამჟამად კი ქაბულის აეროპორტში 10 000-ზე მეტი ადამიანი ელოდება გამგზავრებას.
