საპროტესტო აქცია გრძელდება რიონის ხეობაში, სადაც პოლიციამ რკინის ღობე აღმართა. „ნამახვანჰესის“ მოწინააღმდეგეთა აქციის მონაწილეები და მათი მხარდამჭერები პროტესტს ღობეზე მუშტების ბრახუნით გამოხატავენ.
მათი თქმით, ხელისუფლება რეპრესიულ მეთოდებს იყენებს საკუთარი მოქალაქეების წინააღმდეგ.
“ჩვენ, ამ ხეობის მცხოვრებლებს არ გვეძლევა სახლში შესვლის უფლება იმიტომ, რომ სახელმწიფო იცავს კერძო კომპანიის ინტერესს. ვფიქრობ, რომ მთელი საზოგადოება უნდა გავერთიანდეთ, ახლა ჩვენი ერთიანობაა საჭირო იმისთვის, რომ დავუპირისპირდეთ ჩვენი სიმრავლით და მშვიდობით მთელ ამ ამბავს, რაც აქ ხდება”, – აცხადებს აქციის მონაწილე, ვარლამ გოლეთიანი.
მისი თქმით, ჯერჯერობით აქციის მონაწილეები რიონის ხეობაში რჩებიან და მოვლენების განვითარებას ელოდებიან.
