ჟურნალისტები ალი ალ-ატარი და ფადი ალ-ვაჰიდი, რომლებიც “ალ ჯაზირასთვის” მუშაობდნენ სერიოზულად დაშავდნენ ღაზაში და სასწრაფოდ საჭიროებენ ევაკუაციას მათი სიცოცხლის გადასარჩენად. ჟურნალისტთა დაცვის კომიტეტმა (CPJ), პრესის თავისუფლების ორგანიზაციამ (FPU) და რეპორტიორები საზღვრებს გარეშე (RSF) მიმართეს ისრაელის სამხედრო უწყებას, რომელიც ჰუმანიტარულ კოორდინაციაზეა პასუხისმგებელი (COGAT)-ნებართვა გასცეს ჟურნალისტების სამედიცინო ევაკუაციისთვის.
CPJ და მისი პარტნიორი ორგანიზაციები ცდილობენ, ცხელი წერტილიდან გამოიყვანონ ალი ალ-ატარი და ფადი ალ-ვაჰიდი, რომლებიც „ალ ჯაზირას“ კამერაზე მუშაობენ და დროულად მიიღონ სასიცოცხლოდ მნიშვნელოვანი სამედიცინო დახმარება.
„ისრაელის სამხედრო ძალების მოვალეობაა საერთაშორისო ჰუმანიტარული სამართლის შესაბამისად დაიცვას მშვიდობიანი მოქალაქეები, მათ შორის ჟურნალისტები, და უზრუნველყოს დაშავებულთა დროული სამედიცინო დახმარება, ჟურნალისტების მიზანში ამოღება არღვევს საერთაშორისო სამართლის ნორმებს შეიარაღებული კონფლიქტის პირობებში. პატივისცემით გთხოვთ, მიიღოთ დაუყოვნებელი ზომები საჭირო ნებართვების გასაცემად, რათა შესაძლებელი გახდეს მათი ევაკუაცია.“ – წერენ პრესის თავისუფლების ორგანიზაციები ღია წერილში.
ფოტო CPJ
