გერმანიის კანცლერმა ოლაფ შოლცმა განაცხადა, რომ რუსეთის პრეზიდენტი ვლადიმერ პუტინი მის მიერვე გაჩაღებულ ომში დამარცხდება.
„ჩვენ თქვენთან ვართ, ჩვენს ფიქრებში და გულებში ხართ. პუტინი ვერ გაიმარჯვებს… ჩვენ ვმუშაობთ უკრაინის ომის შემდგომი აღდგენის გეგმებზე“, – განაცხადა შოლცმა.
შოლცმა დასძინა, რომ გერმანია მეგობრებთან და პარტნიორებთან ერთად დახმარებას უწევს უკრაინას, რათა უკრაინის ეკონომიკამ დიდი ზარალი არ განიცადოს, ასევე, აწვდის იარაღს, რათა უკრაინელებმა თავი დაიცვან.
კანცლერმა, ასევე, ხაზგასმით აღნიშნა, რომ გერმანიამ სტუმართმოყვარეობით მიიღო თითქმის 800 000 ლტოლვილი უკრაინიდან.
