რუსმა ოკუპანტებმა ჩერნიგოვის საქალაქო საავადმყოფოს ცეცხლი გაუხსნეს, – ამის შესახებ ქალაქის მერმა ვლადისლავ ატროშენკომ განაცხადა.
მისი თქმით, ნაოპერაციები პაციენტები დერეფნებში +10 გრადუს ტემპერატურაზე წვანან.
ვლადისლავ ატროშენკოს ინფორმაციით, ქალაქი აბსოლუტურ ჰუმანიტარულ კატასტროფას განიცდის და მისი ინფრასტრუქტურა მთლიანად განადგურებულია.
„ჩერნიგოვში არ წყდება საცხოვრებელი უბნების საარტილერიო დაბომბვა, რომლის დროსაც იღუპება ათობით მშვიდობიანი მოქალაქე, იღუპებიან ბავშვები და ქალები. ქალაქი განიცდის აბსოლუტურ ჰუმანიტარულ კატასტროფას. არ არის ელექტროენერგია, გათბობა და წყალი, ქალაქის ინფრასტრუქტურა მთლიანად განადგურებულია“, – განაცხადა ატროშენკომ.
