არასამთავრობო ორგანიზაცია “სამოქალაქო იდეას” დამფუძნებელი და თავდაცვის ყოფილი მინისტრი თინა ხიდაშელი “ქართული ოცნების” მიერ უკრაინის მხარდამჭერი რეზოლუციის ტექსტს, სადაც რუსეთი და რუსული ოკუპაცია ნახსენები არ არის, სოციალურ ქსელ “ფეისბუქზე” ეხმაურება და წერს, რომ ასე რუსეთიც გმობს აგრესიას უკრაინის მიმართ, რომელსაც ნატო ანხორციელებს.
” ასე ხომ რუსეთიც გმობს აგრესიას უკრაინის მიმართ რომელსაც ნატო ანხორციელებს.
იცით როგორი ტექსტია?აი ბურკინა ფასო რომ მიიღებდა. ჩვენ არაფერი გვეხება, არც ის ვიცით აგრესორი ვინ არის? არც არაფერში ვერევით და ვმონაწილეობთ და ნურც მოგვთხოვთო. სადღაც დედამიწის რომელიღაც წერტილში რაღაც ხდება და “პტიჩკა” უნდა დავსვათ, ამიტომ უცებ რაღაც ჩამოვწერეთ. ოცნების მიერ რეზოლუციად შეთავაზებულ ტექსტზეა ეს პოსტი.” – წერს ხიდაშელი სოციალურ ქსელში.
