ტყიბულში, მიწის მასის ქვეშ მოყოლილი მამაკაცის ცხედარი მაშველებმა ამოიყვანეს, საძიებო ოპერაცია დასრულდა

ტყიბულში, ქვანახშირის ღია მოპოვების კარიერზე, მიწის მასის ქვეშ მოყოლილი მამაკაცის ცხედარი მაშველებმა ამოიყვანეს. ის ქუთაისში პროზექტურაში გაასვენეს.

ტყიბულში, შახტაში მიწის მასის ქვეს 2 ადამიანი იყო მოყოლილი. საგანგებო სიტუაციების მართვის სამსახურის თანამშრომლებმა მიწის მასიდან ერთი მოქალაქე რამდენიმე საათის წინ ამოიყვანეს. ის კლინიკაშია გადაყვანილი.

საგანგებო სიტუაციების მართვის სამსახურის ინფორმაციით, ტყიბულში საძიებო-სამაშველო ოპერაცია დასრულებულია. ამის შესახებ ინფორმაციას საგანგებო სიტუაციების მართვის სამსახური ავრცელებს.