უკრაინის გენერალური პროკურატურის ინფორმაციით, უკრაინაში ომის დაწყებიდან დღემდე 374 ბავშვი დაიღუპა, 700-ზე მეტი კი დაშავდა. მათივე ცნობით, ყველაზე მეტად ბავშვები დონეცკის ოლქში დაშავდნენ.
- დონეცკი – 388
- ხარკივი – 202
- კიევი – 116
- ჩერნიგოვი – 68
- მიკოლაევი – 65
- ლუჰანსკი – 61
- ხერსონი – 55
- ზაპოროჟიე – 41
ომის დაწყებიდან დღემდე, უკრაინაში რუსეთის ფედერაციის შეიარაღებული ძალების დაბომბვის შედეგად 2328 სასწავლო დაწესებულება დაზიანდა, აქედან 289 კი მთლიანად განადგურდა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
