უკრაინის დედაქალაქში ძლიერი აფეთქება მოხდა. ოფიციალური პირების განცხადებით, აფეთქება განხორციელდა სამხრეთის რკინიგზის სადგურსა და სასტუმრო „იბისას“ შორის, რომლის მახლობლადაც უკრაინის თავდაცვის სამინისტრო მდებარეობს.
ამის შესახებ „ასოშიეითიდ პრესი“ იუწყება.
მომხდართან დაკავშირებით, განცხადება გაავრცელა უკრაინის რკინიგზამ. მათი განცხადებით, რუსმა სამხედროებმა კიევის რკინიგზაზე საჰაერო იერიში მიიტანეს.
“რუსმა ტერორისტებმა საჰაერო დარტყმა განახორციელეს კიევის რკინიგზის სამხრეთ სადგურზე, სადაც ათასობით უკრაინელი ქალისა და ბავშვის ევაკუაცია მიმდინარეობს. ჭურვი სასტუმრო Ibis-თან ჩამოვარდა, სადგურის შენობამ გაუძლო და მცირე დაზიანება მიიღო. დაშავებულების შესახებ ინფორმაცია ზუსტდება”, – აღნიშნულია განცხადებაში.
