პარლამენტის შენობის წინ უკრაინის მხარდასაჭერ აქციაზე შეკრებილი მოქალაქეები მთავრობის ადმინისტრაციის შენობამდე მსვლელობით გაემართნენ.
მათ ხელში საქართველოსა და უკრაინის დროშები უჭირავთ, ისმოდა უკრაინის მხარდასაჭერი შეძახილები.
მთავრობის ადმინისტრაციის წინ კი, მოქალაქეები “წადი, წადი”-ის ძახილით მივიდნენ. ისინი უკრაინასთან დაკავშირებით პრემიერ-მინისტრის ირაკლი ღარიბაშვილის განცხადებებს აპროტესტებენ.
აქციის მონაწილეებს შორის არიან სხვადასხვა ოპოზიციური პარტიის წარმომადგენლები.
