უკრაინის სამთავრობო ოფისებსა და ბანკებზე კიბერ თავდასხმა განხორციელდა.
BBC-ის ინფორმაციით, თავდასხმის შედეგად რადასა, საგარეო საქმეთა, ჯანდაცვისა და თავდაცვის სამინისტროებს ვებგვერდებზე გარკვეული ხარვეზებია.
გამოცემის ცნობით, კიბერ თავდასხმის სამიზნეები გახდნენ უკრაინული ბანკებიც.
როგორც მედია წერს, უკრაინის ხელისუფლების თქმით, მიმდინარე კვირის დასაწყისში მათ მიიღეს გარკვეული ცნობები, რომ თავდასხმა მოსალოდნელი იყო და პრობლემების აღმოსაფხვრელად ყველაფერს აკეთებენ.
