აშშ-ს პრეზიდენტის მიერ “ლენდ-ლიზის” აქტზე ხელმოწერას უკრაინის პრეზიდენტი ვოლოდიმირ ზელენსკი სოციალურ ქსელ ,,ტვიტერზე” ეხმაურება.
ზელენსკის თქმით, აქტი, რომელსაც უკრაინის დასახმარებლად მოეწერა ხელი, ისტორიული ნაბიჯია.
,,მადლობელი ვარ აშშ-ის პრეზიდენტ ბაიდენისა და ამერიკელი ხალხის, ჩვენი თავისუფლებისა და მომავლისთვის ბრძოლაში უკრაინის მხარდაჭერისთვის. ,,ლენდ-ლიზის” შესახებ კანონის ხელმოწერა ისტორიული ნაბიჯია. დარწმუნებული ვარ, ისევ ერთად გავიმარჯვებთ და ჩვენ, დავიცავთ დემოკრატიას უკრაინაში და ევროპაში, როგორც 77 წლის წინ”, – წერს ზელენსკი.
შეგახსენებთ, აშშ-ის პრეზიდენტმა ჯო ბაიდენმა უკრაინისთვის ,,ლენ-ლიზის” აქტს ხელი მოაწერა, რითიც იგი კანონიერ ძალაში შევიდა. ამიერიდან აშშ უკრაინას სწრაფ და ეფექტურ სამხედრო დახმარებას გაუწევს.
