პოლიტიკური პარტია “გირჩი – მეტი თავისუფლებისთვის” ლიდერის ზურაბ ჯაფარიძის განცხადებით, პარლამენტში შესვლა მხოლოდ „შოუს დადგმა” იქნება. მისივე თქმით, პარლამენტში შესვლა თუნდაც საგამოძიებო კომისიის შექმნით აზრს კარგავს, რადგან “ვერაფერს გამოიძიებ” – ამის შესახებ ზურაბ ჯაფარიძემ “პალიტრანიუსის” ეთერში ისაუბრა.
„პარლამენტში შესვლა ნიშნავს თავის დახრას, „დაჩმორებას“. „ჩმორების“ მოგებული ომი მე არ მინახავს. ეს დათმობა არ არის, დაჩმორებაა, რომ არაფერს არ იღებ საერთოდ. ქედს იხრი და შედიხარ პარლამენტში, არაფერს არ იღებ საერთოდ.
საგამოძიებო კომისია ბერკეტი არ არის. ამ პარლამენტში არაფერი არ გამოვა. საბოლოო ჯამში ეგ ყველაფერი მიდის შოთაძესთან და არაფერი გამოვა.
პარლამენტში ნამყოფი ვარ და ვიცი, რა არის პარლამენტი. ახლა არის პოლიტიკური პროცესი დაძრული. ახლა, რაც ხდება ეს არის პოლიტიკური პროცესი. პოლიტიკური პროცესია, რომ გაიჭედა. შედეგად მივიღეთ ის, რომ გაცილებით მეტი ვიღაცა გვაქცევს ყურადღებას, ვიდრე აქამდე გვაქცევდა“, – აღნიშნა მან.
