საერთაშორისო უფლებადამცველი ორგანიზაცია Amnesty International-ი საქართველოს ყოფილი პრეზიდენტის, მიხეილ საკააშვილის ციხის საავადმყოფოში გადაყვანის ფაქტს სოციალურ ქსელ Twitter-ზე ეხმაურება.
ორგანიზაცია აღნიშნავს, რომ ეს აშკარა პოლიტიკური შურისძიებაა.
„საქართველოს ყოფილი პრეზიდენტი მიხეილ სააკაშვილი, რომელიც მე-5 კვირაა შიმშილობს, ძალადობრივად გადაიყვანეს ციხის საავადმყოფოში. სავარაუდოდ, მას დაემუქრნენ, შეულახეს ღირსება, პირადი სივრცე და ადეკვატური სამედიცინო დახმარების მიღება. ეს არის არა მხოლოდ შერჩევითი სამართალი, არამედ – აშკარა პოლიტიკური შურისძიება“, – წერია განცხადებაში, რომელსაც ორგანიზაცია “ტვიტერზე“ ავრცელებს.
