გარემოს დაცვისა და სოფლის მეურნეობის მინისტრი ოთარ შამუგია იქნება. ის დღემდე სოფლის მეურნეობის მინისტრის ლევან დავითაშვილის მოადგილის პოსტს იკავებდა.
„ოთარი არის დევნილი სოხუმიდან, დაიბადა სოხუმში, გაიზარდა სოხუმში, სკოლა დაამთავრა სოხუმში, შემდეგ ცხოვრობდა დევნილობაში ზუგდიდში, თბილისში და თავისი კეთილსინდისიერი და პატიოსანი შრომით მიაღწია მინისტრობას. ოთარმა 16 წელი იმუშავა ამ სამინისტროში. დეტალურად იცის, რა სჭირდება სოფლის მეურნეობას, გარემოს დაცვას და მჯერა, რომ წარმატებული მინისტრი იქნება“,- განაცხადა ირაკლი ღარიბაშვილმა მთავრობის ადმინისტრაციაში გამართულ ბრიფინგზე.
ყოფილმა მინისტრმა, ლევან დავითაშვილმა ეკონომიკის მინისტრის პოსტზე ნათია თურნავა ჩაანაცვლა. რაც შეეხება თურნავას, პრემიერმინისტრი ამბობს, რომ მას “თავისი გეგმები” აქვს
