უკრაინის ნავსადგურებში ბლოკირებულია თითქმის ოთხ ნახევარი მილიონი ტონა მარცვლეული, ამის შესახებ განცხადებას გაერო ავრცელებს.
რუსეთის შეიარაღებული შეჭრის ფონზე საზღვაო გზების ჩაკეტვის გამო პროდუქციის ექსპორტი უკრაინიდან შეუძლებელი გახდა. ამის შესახებ გაეროს მსოფლიო სასურსათო პროგრამის წარმომადგენელმა მარტინ ფრიკმა განაცხადა.
ომამდე უკრაინა იყო ხორბლის ერთ-ერთი უდიდესი ექსპორტიორი და სიმინდის მწარმოებელი მსოფლიოში. გაეროს ცნობით, ბევრი ქვეყანაა დამოკიდებული უკრაინული ხორბლის მიწოდებაზე. “შიმშილი არ უნდა იყოს იარაღი”, – თქვა ფრიკმა. მან მოწოდება გამოთქვა, აღდგეს უკრაინული სურსათის მიწოდება სხვა ქვეყნებში, რათა შემსუბუქდეს გლობალური სასურსათო კრიზისი.
