“თავისუფალი და დამოუკიდებელი მედია საქართველოს ევროკავშირში კანდიდატობის განუყოფელი ნაწილია. თუმცა, ისეთი მიუღებელი ქმედებები, როგორიც არის კრიტიკული ჟურნალისტების გაჩუმება, ინფორმაციაზე წვდომის შეზღუდვა, მათი ღიად დაშინება, დევნა და პატიმრობაში მიცემა ძირს უთხრის საქართველოს ამბიციებს.” – განაცხადა ევროპარლამენტარმა პეტრას აუსტრევიჩუსმა ევროპარლამენტში მიმდინარე დებატების დროს, რომელიც „საქართველოში მედიის თავისუფლებისა და ჟურნალისტების უსაფრთხოების დარღვევის“ საკითხზე იმართება.
ევროპარლამენტარი თქმით, დროა, თბილისში გაანალიზონ, რა დევს ფსონზე ქვეყნის მომავლისთვის.
“ევროკავშირი, როგორც ფუნდამენტური უფლებების მცველი, იცავდა და გააგრძელებს საქართველოში მედიის თავისუფლების დაცვას, მაშინაც კი, თუ ეს ითვალისწინებს ძალაუფლების მქონე პირთა პოლიტიკის ღიად გაკრიტიკებას. მედიაში პოლიტიკური ჩარევის ადგილი არ არის. თუ აქამდე ევროპარლამენტი გულუბრყვილოდ იმედოვნებდა საქართველოს მთავრობის მიერ კეთილი ნების გამოჩენას, ჩვენ ახლა მოვითხოვთ ცვლილებებს სახელმწიფოს პოლიტიკასა და დამოკიდებულებებში. დროა, თბილისში გააანალიზონ, რა დევს ფსონზე ქვეყნის მომავლისთვის.” – განაცხადა აუსტრევიჩუსმა.
