გაეროში საქართველოს ელჩად დავით ბაქრაძე ინიშნება. ახალ თანამდებობაზე წარმატება მას გაეროში საქართველოს ყოფილმა წარმომადგენელმა, კახა იმნაძემ უსურვა.
ცნობისთვის, საქართველოს პრეზიდენტმა დავით ბარქაძის გაერო-ში ელჩად დანიშვნაზე წარდგინება 15 ივლისს მიიღო, თუმცა, ზურაბიშვილი მას ხელს არ აწერდა. როგორც პრეზიდენტმა ერთ-ერთ ინტერვიუში განაცხადა, ბაქრაძე „5 წელი იყო ელჩი და არაფერი გაუკეთებია“.
„არა მაღალი დონის ვიზიტი, არა კონტაქტები, არა იქით, არა აქეთ – წავიდეს სხვაგან“, – აღნიშნავდა პრეზიდენტი ინტერვიუში.
ამ ფაქტს ქართული ოცნებასა და ზურაბიშვილს შორის უთანხმოება მოჰყვა. მმართველმა გუნდმა პრეზიდენტს ელჩების დანიშვნაზე უარის თქმის გამო საკონსტიტუციო სასამართლოში უჩივლა.
