საქართველოს საპატრიარქო ნინოწმინდის პანსიონატთან დაკავშირებით განცხადებას ავრცელებს. როგორც განცხადებაშია აღნიშნული, მათთვის აქამდე არ იყო ცნობილი, რომ შინაგან საქმეთა სამინისტროს პანსიონატთან დაკავშირებით გამოძიება აქვს დაწყებული.
“სახალხო დამცველის განცხადებიდან ჩვენთვისაც და საზოგადოებისთვისაც ახლახან ცნობილი გახდა, რომ ნინოწმინდის ბავშვთა სახლთან დაკავშირებით შინაგან საქმეთა სამინისტროში აღძრულია სისხლის სამართლის საქმეები.
მივმართავთ შსს-ს შესაბამის სამსახურს, გაასაჯაროვოს აღნიშნული საქმეები, რათა არავისთვის არაფერი იყოს დაფარული და ადგილი არ ჰქონდეს სხვადასხვა სპეკულაციას”, – აღნიშნულია განცხადებაში.
