“ქართული ოცნების” დეპუტატი დავით მათიკაშვილი ყოფილი თანაგუნდელის გიორგი გახარიას განცხადებებს გამოეხმაურა, რომელიც ყოფილმა პრემიერ-მინისტრმ ტელეკომპანია “ტვ პირველის” ეთერში თქვა. კერძოდ, რომ ის ბიძინა ივანიშვილს არ აღმერთებდა.
“ივანიშვილი ებრძვის ტოტალიტარიზმის ერთ-ერთ დედა თვისებას, ბელადიზმს. თქვენ თუ წაიკითხავთ მის განცხადებებს, თუ მოუსმენთ მის მსჯელობას, თქვენ თუ მიჰყვებით მის გადაწყვეტილებებს, ყველგან ნახავთ, რომ ეს ადამიანი ყველა მის ნაბიჯზე ებრძვის ამ კულტს და როგორ შეიძლება ვიღაცა აღმერთებდეს, არავინ არავის არ აღმერთებს, ვაფასებთ რაციონალურად და სწორად. გიორგი გახარია გაღმერთებას რომ ეძახის, ეგ ერთგულებაა და მას, სამწუხაროდ, ერთგულების ნიშანწყალი არ გააჩნია” – განაცხადა მათიკაშვილმა “პალიტრანიუსის” ეთერში.
