ტოკიოს 32-ე ოლიმპიურ თამაშებში მონაწილეობას საქარველოს სახელით სპორტის 11 სახეობაში 35 ათლეტი მიიღებს.
სპორტსმენები იაპონიაში რამდენიმე დღეში გაემგზავრებიან, იქამდე კი გაცილების ცერემონია ოლიმპიურ სოფელში გაიმართა. საქართველოს ოლიმპიურმა და პარალიმპიურმა დელეგაციებმა ფიცი დადეს, რის შემდეგაც მათ აღმასრულებელი და საკანონდებლო ხელისუფლების ხელმძღვანელებმა მიმართეს. მთავრობის გადაწყვეტილებით, ოლიმპიადიდად დაბრუნებული ჩემპიონები მილიონი ლარით დაჯილდოვდებიან.
იაპონიაში ქართველი სპორტსმენები ძირითადად ისეთ ინდივიდუალურ სახეობებში იასპარეზებენ, როგორიცაა ჭიდაობა, ძიუდო, ძალოსნობა და მძლეოსნობა.
ზაფხულის 32-ე ოლიმპიური თამაშები იაპონიის დედაქალაქში 24 ივლისიდან 8 აგვისტომდე ჩატარდება და მასში მონაწილეობას 205-მდე ქვეყნის 11 ათასამდე სპორტსმენი მიიღებს. პარაოლიმპიური თამაშები კი 24 აგვისტოდან 5 სექტემბრამდე გაიმართება და საქართველოდან სპორტის 6 სახეობაში 16 სპორტსმენი იასპარეზებს
