დაავადებათა კონტროლის ეროვნული ცენტრის დირექტორის ამირან გამყრელიძის განმარტებით, კორონავირუსის ქართული შტამი არ არსებობს.
მისი თქმით, ისრაელში საქართველოდან ჩასული მოქალაქეების შემთხვევაში დადასტურებული შტამი დელტას ქვეშტამია.
„არავითარი ქართული შტამი არ არსებობს. ეს არის ჩვეულებრივი დელტა ანუ ინდური შტამი. მოგეხსენებათ ვირუსები მუტაციას განიცდიან და ეს არის მისი ქვეშტამი დელტა პლუსი. ჩვენთან გაშიფრულია სეკვენირებით დელტა პლუსის 2 შემთხვევა“, – აღნიშნა ამირან გამყრელიძემ.
შეგახსენებთ, რომ ისრაელში საქართველოდან ჩასულ ადამიანებს დელტა+ შტამი დაუდასტურდათ. ინფორმაცია ისრაელის ჯანდაცვის უწყებამ გაავრცელა.
