ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის განცხადებით, ნინოწმინდის პანსიონში სახალხო დამცველი აუცილებლად უნდა შევიდეს და ეს მისი ვალდებულებაა.
” ეტაპისთვის გვაქვს პროდუქტიული თანამშრომლობა ახალ ხელმძღვანელობასთან და ვთვლი, რომ ყველა ადამიანს უნდა მივცეთ დრო, რომ დასკვნები გავაკეთოთ მოგვიანებით, ფაქტების შემდეგ. ამ ეტაპისთვის ჯანდაცვის სამინისტროს საფუძველი არ გააჩნია ვივარაუდოთ, რომ რამე გაუარესება მოხდება…
სახალხო დამცველის შესვლა არათუ საჭიროა, არამედ ეს არის მისი ვალდებულება და აქედან გამომდინარე, ის ვალდებულია შეასრულოს თავისი მანდატი და ჯანდაცვის სამინისტრო ყოველთვის თანამშრომლობს სახალხო დამცველთან.” – განაცხადა ტიკარაძემ
