საქართველოში ევროკავშირის ელჩი კარლ ჰარცელი უკრაინის დაზვერვის მიერ გავრცელებულ განცხადებას გამოეხმაურა. ელჩის თქმით ეს არის „სერიოზული ბრალდება და სერიოზულ მიდგომას საჭიროებს.
„რაც შეეხება ძალიან სერიოზულ ბრალდებებს უკრაინის სამხედრო დაზვერვის მხრიდან, ეს არის სერიოზული თავისი ბუნებით და სერიოზულად უნდა მივუდგეთ. ამასთანავე, მოვისმინეთ ძალიან მკაფიო პასუხი საქართველოს ხელისუფლების მხრიდან, რომ ასეთი რაღაც არ ხდება არც პრაქტიკის და არც რისკის თვალსაზრისით.
რაც შემეხება პირადად მე ამ ეტაპზე არანაირი ინფორმაცია ან სადაზვერვო მასალა არ გამაჩნია, რომელიც დაადასტურებდა უკრაინული მხარის ბრალდებებს. მთავარია ორივე მხარემ გააგრძელოს ინფორმაციის გაცვლა, რათა დროულად მოხდეს პრობლემის მოგვარება“, – აცხადებს ჰარცელი.
