კულტურის მინისტრი თეა წულუკიანი, გურიის მაჟორიტარ დეპუტატთან, მხარის გუბერნატორთან და სხვა თანმხლებ პირებთან ერთად გუშინ კომენდანტის საათის დროს, ოზურგეთის ერთ-ერთ სასტუმროში ვახშმობდა. მინისტრი გუშინ ოზურგეთის თეატრს სტუმრობდა, საიდანაც რესტორანში კომენდანტის საათის დაწყებამდე გადაინაცვლა. ინფორმაციას ტელეკომპანია “ფორმულა” ავრცელებს.
“ფორმულას” ინფორმაციით რესტორნის თანამშრომლებმა მათ გადამღებ ჯგუფთან ეს ინფორმაცია არ დაადასტურეს, თუმცა მინისტრის ავტომანქანამ ტერიტორია გვიან ღამით დატოვა.
ადგილზე იმყოფებოდა საპატრული პოლიციაც, თუმცა ისინი შენობაში არ შესულან, რადგან, მათი თქმით, მათ კერძო ტერიტორიაზე შესვლის უფლება არ ჰქონდათ.
წულუკიანი ასევე არ გაესაუბრა ჟურნალისტებს, რომლებიც მას რესტორანთან უცდიდნენ.
