ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ კარლ ჰარცელის მოღვაწეობაზე ისაუბრა და აღნიშნა, რომ ჰარცელის მუშაობით არ არის მაინცდამაინც კმაყოფილი.
„დღეს ითქვა ამაზე და მეც მივცემ ჩემ თავს უფლებას და ვიტყვი, რომ არც მე ვარ მაინცდამაინც კმაყოფილი ისევე, როგორც ბევრი ჩემი კოლეგა და ისევე როგორც საზოგადოების დიდი ნაწილი, ბატონი ჰარცელის მოღვაწეობით, ხშირ შემთხვევაში აძლევდა თავს უფლებას, რომ მათ შორის ცოტა ზედმეტი უფლება მიეცა საკუთარი თავისთვის. მათ შორის მიუცია საკუთარი თავისთვის უფლება, რომ ღიად გაეკრიტიკებინა აბსოლუტურად უმართებულოდ მათ შორის საქართველოს ძალიან მაღალი თანამდებობის პირები“, – განაცხადა სარჯველაძემ.
