პარლამენტში ევროპული საბჭოს პრეზიდენტთან შარლ მიშელთან „ქართული ოცნებისა” და ოპოზიციური პარტიების წარმომადგენლების შეხვედრა დასრულდა.
შეხვედრას მხოლოდ ის ოპოზიციონერი დეპუტატები ესწრებოდნენ, რომლებმაც შარლ მიშელის დოკუმენტს ხელი მოაწერეს.
შარლ მიშელს შეხვედრის დასრულების შემდეგ მედიასთან კომენტარი არ გაუკეთებია.
როგორც შეხვედრიდან გამოსული ოპოზიციის ლიდერები აცხადებენ, შეხვედრაზე მათ მიერ უკვე ხელმოწერილი დოკუმენტის შესახებ ისაუბრეს.
ცნობისთვის, შარლ მიშელი საქართველოში დღეს ჩამოვიდა. ის უკვე შეხვდა საქართველოს პრეზიდენტს სალომე ზურაბიშვილს და პრემიერ-მინისტრ ირაკლი ღარიბაშვილს.
