რუსეთის წინააღმდეგ სანქციები არის ფასი, რომლის გადახდაც ღირს თავისუფლებისთვის , – ამის შესახებ ნატო-ს გენერალურმა მდივანმა იენს სტოლტენბერგმა მადრიდში ბრიფინგზე განაცხადა.
მისი თქმით, რუსეთი ენერგეტიკას იძულების იარაღად იყენებს და ეს ხაზს უსვამს რუსულ ნავთობსა და გაზზე სწრაფად უარის თქმის აუცილებლობას.
„მე, რა თქმა უნდა, ვაღიარებ, რომ ჩვენს ეკონომიკურ სანქციებს, მაგალითად, რუსული ინდუსტრიის ნაწილებზე, ფინანსურ სექტორზე, ასევე აქვს გლობალური შედეგები ენერგეტიკული ბაზრებისთვის და, შესაბამისად, ევროპელებისთვის, ნატოს მოკავშირეებისთვის, შეერთებული შტატებისთვის… ისინი იხდიან ფასს. ამის უარყოფის არავითარი გზა არ არსებობს”, – აღნიშნა სტოლტენბერგმა.
