50 წლამდე კაცი, არასრულწლოვანთან სექსუალური კავშირის ბრალდებით დღეს დააკავეს. ფაქტი მას შემდეგ გახმაურდა რაც გორის მუნიციპალიტეტში მცხოვრებმა 13 წლის მოზარდმა იმშობიარა. სოციალურ სააგენტოს კი აღნიშნული ინფორმაცია თბილისის ერთ-ერთი სამშობიაროდან შეატყობინეს.
მოზარდი ამჟამად ჩვილთან ერთად ცხოვრობს სპეციალურ თავშესაფარში. მომხდარზე გამოძიება სსკ-ის 140-ე მუხლით მიმდინარეობს, რაც გულისხმობს სექსუალური ხასიათის შეღწევას თექვსმეტი წლის ასაკს მიუღწევლის სხეულში.
მოზარდი გოგოს მშობლები ცხინვალის რაიონიდან დევნილები არიან 2008 წლიდან. ოჯახი წლების განმავლობაში ჯერ გორში დევნილთა დასახლებაში ცხოვრობდა შემდეგ კი თბილისში გადავიდენ საცხოვრებლად. თუმცა გორში ხშირად ჩადიოდნენ.
