არმაზ ახვლედიანი “ქართული ოცნების” თავმჯდომარედ, ირაკლი ღარიბაშვილის შესაძლო დანიშვნას გამოეხმაურა და განაცხადა, რომ ირაკლი ღარიბაშვილი იქამდე არ მოისვენებს, ვიდრე არ გახდება პარტიის თავმჯდომარე.
ფრაქცია “ლელო – პარტნიორობა საქართველოსთვის” წევრის არმაზ ახვლედიანის თქმით, ღარიბაშვილისთვის წარმოუდგენელია ვინმე იყოს მისი ხელმძღვანელი გარდა ბიძინა ივანიშვილისა.
“ის ვერ აიტანს ვერც კობახიძეს და ვერც გახარიას იტანდა და ვერც ვერავის სხვას. შესაბამისად, ახლა არის ბრძოლის გადამწყვეტი ფაზა, რომ ჩაიგდოს ხელში პარტიული თანამდებობა და იგრძნოს თავი გაცილებით კომფორტულად და დაცულად”,- განაცხადა ახვლედიანმა ჟურნალისტებთან.
ცნობისთვის, არსებული ინფორმაციით, “ქართული ოცნების” წევრების შეხვედრაზე შესაძლოა პარტიის თავმჯდომარედ ირაკლი ღარიბაშვილის დანიშვნის საკითხი განიხილონ, მოქმედმა თავმჯდომარემ ირაკლი კობახიძემ კი, საკონსტიტუციო სასამართლოში გადაინაცვლოს.
