ამერიკის შეერთებულმა შტატებმა, სამთვიანი დახურვის შემდეგ, უკრაინის დედაქალაქში საკუთარი საელჩო გახსნა. ინფორმაციას სააგენტო „როიტერსი“ ავრცელებს.
საელჩოს დასაკომპლექტებლად თავდაპირველად დიპლომატების მცირე რაოდენობა დაბრუნდება.
როგორც დასავლური მედია წერს, ამერიკის საელჩო უკრაინის დედაქალაქში 14 თებერვალს დაიხურა, 10 დღით ადრე, სანამ რუსული ჯარები ქვეყანაში შეიჭრებოდნენ.
რამდენიმე დასავლურმა ქვეყანამ, მათ შორის ბრიტანეთმა, საფრანგეთმა და გერმანიამ, კიევში საელჩოების მუშაობა განაახლეს.
