აშშ-ის დაზვერვა „კოვიდ-19“-ის წარმოშობაზე, მოხსენების დეკლასიფიცირებულ ვერსიას ამზადებს. აშშ-ის პრეზიდენტის ადმინისტრაციის პრესსპიკერის ჯენ ფსაკის განცხადებით, ანგარიშის დეკლასიფიცირებულ ვერსიაზე მუშაობა ჯერ კიდევ მიმდინარეობს და მომდევნო დღეებში გასაჯაროვდება.
თეთრი სახლის წარმომადგენელს აშშ-ის დაზვერვის ანგარიშთან დაკავშირებით დამატებითი დეტალები არ გაუსაჯაროვებია.
აშშ-ის სპეცსამსახურებმა საიდუმლო დოკუმენტზე მუშაობა უკვე დაასრულეს და აშშ-ის პრეზიდენტს, ჯო ბაიდენს წარუდგინეს. მანამდე გამოცემა „ვაშინგტონ პოსტმა“ დაწერა, რომ აშშ-ის სადაზვერვო საზოგადოებამ ვერ შეძლო საბოლოოდ დაედგინა ვირუსი წარმოიშვა ლაბორატორიაში, თუ ცხოველებიდან პირდაპირ ადამიანებზე გადავიდა.
