ჯანდაცვის მინისტრის მოადგილის, თამარ გაბუნიას განცხადებით, არსებული პანდემიური მდგომარეობის გათვალისწინებით, ჯანდაცვის სამინისტრო კლუბების გახსნას მხარს ვერ დაუჭერს. მისი თქმით, კლუბების გახსნა კორონავირუსის ახალი შტამი “ომიკრონის” გავრცელების დამატებით რისკებს ქმნის.
„დღეს ძალიან მაღალია პანდემიური რისკები, განსაკუთრებით ომიკრონთან მიმართებაში, სწრაფი გავრცელება და ამ პირობებში კლუბების გახსნა არის, რა თქმა უნდა, კიდევ ერთი დამატებითი რისკი, რასაც ჯანდაცვის სამინისტრო მხარს ნამდვილად ვერ დაუჭერს. ამდენად, ვფიქრობ, მნიშვნელოვანია გარკვეული პერიოდი მოვითმინოთ ამგვარი გართობის გარეშე, რათა ის სასიცოცხლო რისკები, რაც ახალი შტამის სწრაფ გაგრძელებას უკავშირდება, გადავაზღვიოთ”, – განაცხადა თამარ გაბუნიამ.
